ادعيه بسيطه

السلام عليكم ورحمه الله وبركاته

التوبك دا جمعت فيه بعض الأدعيه اللى كتبتها
وان شاء الله فيه تانى

أول كلامى بقول ياربــ
احمينى قوبنى
ثبتنى على دينى
وازرع فـ قلبى الحبــ

ياقادر على كل شئ
اغفر خطيئتى
نوّر بصيرتى
ولهدايتك عرفنى الطريق

احمينى قوينى
ثبتنى على دينى
وارزع فـ قلبى الحبــ

............

يارب ياغفور .. ياعاطى يامنّان
ياملك الملوك .. ياخالق الأكوان

اسمك صبور وانت الكريم
بلطفك ياقادر ياعظيم
وبرحمتك يارحمن يارحيم
اهدينى فـ دُنيتك
ارزقنى بجنتك
يارب محتاج لبر أمان

..........

يارب انا بشكيلك من نفسى ليك
يارب ياما عصيتك وانت ياما عفـــــــيت
كنت بروح لغيرك .. وانت تزيد فـ خيرك
توبت ومليش غيرك .. وانت عالم انى نويتــــ
عبدك خلاص تاب إليك
عبدك خلاص تاب إليك
وانت عالم انى نويتـــــــــــ

..........

لجئتلك .. يارب هوّن انت المهوّن
قادر تخوفنى .. قادر تخلينى اطمن
يارب انا مليش غيرك .. ارحمنى واقبل شكوتى
بدموعى جايلك ببكيلك .. يارب هوّن محنتى
لو كان دا ذنب .. سامحنى يارب
عارفك عفُو غفور حنين

............

طريق مشيتــه .. قدرنى يارب أكمـله
بالخير ابتديتـه .. ابتغاءا ليك بعمـله
قوينى .. رسينى .. اهدينى طريق رضـاك
قوينى .. رسينى .. احمينى من الهـــلاك
خلينى دايما معاك .. أى شئ أتحمــــله

.............

يارب انا عبدك .. اتظلمت من عبدك
راضى انا بحكمك .. مشكتش لحظه فـ عدلك
رافع ايديا .. دمعى فـ عينيا ..
انسان ضعيف محتاج قوتك
بإديك تغيّر .. فـ الكون تسيّر ..
كل شئ محكوم بقبضتك
يارب انصرنى .. ع اللى ظالمنى ..
أنا مهما اكون محتاج رحمتك

.........
إيهـابــ جمـال
هوووبـى

موضوع: رد: ادعيه بسيطه السبت سبتمبر 27, 2008 2:05 am

اقتباس :: يارب انا بشكيلك من نفسى ليك
يارب ياما عصيتك وانت ياما عفـــــــيت
كنت بروح لغيرك .. وانت تزيد فـ خيرك
توبت ومليش غيرك .. وانت عالم انى نويتــــ
عبدك خلاص تاب إليك
عبدك خلاص تاب إليك
وانت عالم انى نويتـــــــــــ

الله عليك يا هوبى
الادعيه كلها روعه بجد
وجميله جدا
وعجبنى اوى الدعاء دا
تسلم ديما مبدع

موضوع: رد: ادعيه بسيطه السبت سبتمبر 27, 2008 3:00 am

شكرا يابنوته
منورانى والله